Sondaı jobalardyń biri «Aqtóbe» ındýstrıaldyq aımaǵynda ornalasqan, jaraqat alýdyń aldyn alatyn balalarǵa arnalǵan, sporttyq jəne ózge de jabyndylar shyǵaratyn «TALAN Technology» JShS boldy. Kəsiporynnyń óndiristik qýaty - jylyna 45 myń sharshy metr taqtaıshalardy quraıdy. Synaq júzinde iske qosý aıasynda qańtar-mamyr aılary aralyǵynda quny 1 mlrd teńgedeı bolatyn 588 tonna rezeńke úgindileri óndirilip, 35 adam jumysqa ornalastyryldy.
Oblys ákimi «TALAN Technology» JShS basshylyǵyna iri jobany júzege asyrǵany úshin alǵys aıtty.
- Memleket basshysynyń tapsyrmasyn oryndaý aıasynda óńirimizde kishi jáne orta bıznes belsendi damýda. Aldymyzda turǵan negizgi tapsyrma – ótken jyly 6 ınvestısııalyq jobany júzege asyrýdy bastaǵan «Aqtóbe» ındýstrıaldyq aımaǵyn ıgerý. Elorda kúni qarsańynda alǵashqy kásiporyndy iske qosýymyz qýantady. «TALAN Technology» ónimderi oblys ortalyǵynyń sport alańdarynda qoldanylýda, sondyqtan oǵan degen qajettilik tek artady dep aılaımyn. Biz óz tarapymyzdan kompanııany ári qaraı qoldaıtyn bolamyz,-dep atap ótti Berdibek Saparbaev.
Sondaı-aq, ındýstrııalyq aımaqta əınek jýatyn suıyqtyq, antıfrız jəne plastık ónimderin shyǵaratyn «AktobeTOPSA Plast" JShS zaýyty paıdalanýǵa berildi. О́ndiristik qýaty - jylyna 2 myń tonna. Keleshekte munda hımııalyq reagentter, sement eritindisi men betondar úshin aıazǵa qarsy qospa jáne plastık kanıstr óndirisin ıgerý josparlanýda. Iske qosylyp turǵan "Kaspıı plıýs" JShS kəsipornynda metall óńdeý jelisi keńeıtildi. Qazaqstan aýmaǵynda teńdesi joq biregeı kəsiporyn memleket basshysynyń ımportty almastyrý boıynsha tapmyrmasyn júzege asyrý aıasynda taý-ken jəne ken ıgerý ónerkəsibi úshin bekitý ónimderininiń birneshe túrin shyǵarýmen aınalysady. Zaýytta aldyńǵy qatarly ınnovasııalyq tehnologııa paıdalanylady. Barlyq ónim jergilikti mazmundaǵy joǵary úlesi bar ST-KZ səıkestendirý sertıfıkatyna ıe.
Sonymen qatar, Astana kúni Mártók aýdanynyń Qazan aýylyna gaz berildi. Eldi mekendi gazdandyrý úshin 134 mln teńge bólindi. 520-dan astam adam turatyn 135 úı men orta mektep kógildir otynmen qamtylǵan bolsa, sol aýdannyń Aqqudyq aýyldyq okrýgine qarasty Dostyq aýylynda 40 oryndyq «Aslan Álı» balabaqshasy óz esigin aıqara ashty. Onyń ereksheligi – balalar úsh tuǵyrly til qaǵıdasy boıynsha oqytylatyn bolady, al mektepke deıingi mekemelerge balalar tegin barady.
Quny 170 mln teńgeni quraıtyn jańa joba Áljan dıirmen kombınatynda ónimdiligi saǵatyna 200 keli bolatyn jaıma jáne kespe ulttyq taǵamdaryn shyǵaratyn «Italpast» ıtalıan óndirýshisiniń keshendi jelisi paıdalanýǵa berildi.
Temir Qusaıyn,
"Egemen Qazaqstan"
Aqtóbe oblysy